नेपाल बार एसाेसिएसनले फैसलाकाे अध्ययन गर्ने

नेपाल बार एसाेसिएसनले फैसलाकाे अध्ययन गर्ने
  •  
  •  
  •  
  •  
  •  
  •  
  •  
  •  

साउन १८, काठमाडाैं । नेपाल बार एसोसिएसनले आइतबार विज्ञप्ति निकालेर देशभरका बारहरुलाई शंकास्पद र विवादित देखिएका आदेश/फैसला संकलन गर्न र नेपाल बार एसोसिएसनमा पठाउन सार्वजनिक आग्रह गरेको छ । बारले फैसलाकाे अध्ययन गर्ने जनाएकाे छ ।

नेपाल बार एसोसिएसनका अध्यक्ष चण्डेश्वर श्रेष्ठ भन्छन् -”कोइरालाको घटनामा पुनरावलोकनको निस्सा नै भइसकेको छ । सर्वोच्च अदालत स्वयंले त्यो फैसलामा गल्ती वा त्रुटी छ भनेर महशुस गरिसकेको अवस्था हो । त्यहींबाट नै अब टुंगो लाग्छ । जन्मकैद सदर गरे पनि पुरानो ऐनको व्यवस्था टेकेकोमा विवाद हो । छिटै त्यसको निरुपण हुन्छ भन्ने हाम्रो भनाई हो । त्यसैले अदालतमै विचाराधीन भएको यो विषयमा अब हामी प्रवेश गर्दैनौं ।”

यसअघि पनि कानून व्यवसायीहरुको छाता संगठन बारमा फैसला अध्ययन गर्नेबारे पटकपटक छलफल भए पनि त्यसको कार्यान्वयन हुन सकेको थिएन ।