June 21, 2021, Monday
२०७८ असार ७, सोमबार
ताजा अपडेट
ताजा अपडेट ×
P tv

पुर्बाधार नबनेसम्म लुम्बिनी प्रदेशको प्रशासनिक काम बुटवलबाटै हुने, हिउँदे र बर्षे अधिबेसनपनि बुटवलमै हुने

पुर्बाधार नबनेसम्म लुम्बिनी प्रदेशको प्रशासनिक काम बुटवलबाटै हुने, हिउँदे र बर्षे अधिबेसनपनि बुटवलमै हुने
  •  
  •  
  •  
  •  
  •  
  •  
  •  
  •  

रुपन्देही। भौतिक संरचना नबनेसम्म लुम्बिनी प्रदेशको प्रशासनिक कार्य बुटवलबाटै हुने भएको छ । राजधानी तोकिएको भालुवाङ देउखुरी क्षेत्रमा पर्याप्त पुर्बाधार नभएकाले तत्कालको लागि बुटवलबाटै प्रशासनिक कार्य हुने प्रदेश सरकारका प्रवक्ता बैजनाथ चौधरीले  बताए । राप्ती प्राविधिक शिक्षालय सार्न समय लाग्ने भएकाले हिउँदे अधिवेशन मात्र हैन वर्षे अधिवेशन पनि बुटवलमै बस्ने दावी गरे ।

‘लेखेर राख्नुस्, हिउँदे अधिवेशन मात्र हैन, वर्षे अधिवेशन पनि बुटवलमै हुन्छ’, मन्त्री चौधरीले भने, । प्रदेश सभाबाट राजधानी टुंगो लागेको एक महिना नबित्दै प्रदेश सभाको हिउँदे अधिवेशन दाङमै गर्ने गरी प्रदेश सभाका सभामुख पूर्णबहादुर घर्ती, उपसभामुख कृष्णी थारु, आन्तरिक मामिला तथा कानूनमन्त्री कुलप्रसाद केसी लगायतले देउखुरीको राप्ती गाउँपालिकामा रहेका भौतिक पूर्वाधारको अवस्थाबारे एक हप्ताअघि अनुगमन गरेका थिए ।

लुम्बिनी प्रदेश सरकारले आफ्नो प्रमुख प्रशासनिक केन्द्र राप्ती गाउँपालिका मौरीघाटस्थित राप्ती प्राविधिक शिक्षालयलाई केन्द्र मानेर बनाउने तयारी गरेको छ । त्यसको सुरुवात स्वरुप बुधबार मुख्यमन्त्री कार्यालयमा राप्ती गाउँपालिका, राप्ती प्राविधिक शिक्षालय र गढवा गाउँपालिकाका प्रमुखलगायतसंग छलफल भएको छ ।

छलफलमा राप्ती प्राविधिक शिक्षालयले ओगटेको १६ बिघा क्षेत्रफल प्रदेश राजधानीका लागि ‘प्राइम लोकेसन’ भएको ठहर प्रदेश सरकारले गरेको छ ।

त्यही क्षेत्रमा स्थायी संरचना बनाउनका लागि शिक्षालयलाई अन्यत्र स्थानान्तरण गर्न प्रक्रिया अघि बढाउनेबारे छलफल भएको सरकारका प्रवक्ता भौतिक पूर्वाधार विकास मन्त्री चौधरीले बताए । प्राविधिक शिक्षालयका प्रतिनिधि र त्यहाँका पालिका प्रमुखहरुले आफूहरु प्रदेश सरकारलाई शिक्षालयको संरचना र जग्गा दिन तयार रहेको प्रतिवद्धता जनाएको राप्ती गाउँपालिका अध्यक्ष नुमानन्द सुवेदीले बताए ।

२०५० सालमा स्थापना भएको राप्ती प्राविधिक शिक्षालयमा हाल ११ सय विद्यार्थी अध्ययनरत छन् । त्यहाँ सीटीईभीटी अन्तर्गतका आईएससी एजी, जेटीए, सब ओभरसियर, सीएमएलगायतका विषय पढाइ हुन्छ ।