भीरबाट पिकअप खस्दा २ जनाको मृत्यु

इलाम  । फाकफोकथुम गाउँपालिकामा मंगलबार राति भएको पिकअप दुर्घटनामा २ जनाको मृत्यु भएको छ । फाकफोकथुम गाउँपालिका–५ को थुम्काभीरबाट को.२ च १५ नम्बरको पिकअप खस्दा माई नगरपालिका–९ का ४० वर्षे दिनेश लिम्बू र इलाम नगरपालिका–११ का ३० वर्षे नवीन तामाङको मृत्यु भएको प्रहरीले जनाएको छ ।

                घटनामा माई नगरपालिका–१ का विकास तामाङ गम्भीर घाइते भएका छन् । उनको इलाम अस्पतालमा उपचार भइरहेको छ । तरकारी बोकेर पाँचथरको रविबाट नवमी हुँदै इलाम आउँदैगरेको पिकअप दुर्घटना भएको प्रहरी इन्स्पेक्टर नवीन राईले बताए ।