कनकाई नगरप्रमुखद्वारा पारिश्रमिकको सबै रकम अक्सिजन प्लान्टमा सहयोग

कनकाई नगरप्रमुखद्वारा पारिश्रमिकको सबै रकम अक्सिजन प्लान्टमा सहयोग
  •  
  •  
  •  
  •  
  •  
  •  
  •  
  •  

काठमाडौं। कनकाई नगरपालिकाका प्रमुख राजेन्द्र पोखरेलले आफूले नगरपालिकाबाट पारिश्रमिक तथा भत्तावापत प्राप्त गरेको १० लाख अक्सिजन प्लान्ट निर्माणमा सहयोग गरेका छन्।

कभिड–१९ को महामारीमा अक्सिजनको माग उच्च भइरहेको हुँदा नगरमा सञ्चालित अस्पतालमा अक्सिजन प्लान्ट निर्माण गर्न उक्त सहयोग दिएको नगरप्रमुख पोखरेलले बताए। १० लाखको चेक नगरपालिकालाई हस्तान्तरण गरेको नगरका प्रमुख प्रशासकीय अधिकृत मोहनप्रसाद न्यौपानेले बताए। नगरमा हाल १५ शय्याको नगरस्तरीय अस्पताल सञ्चालनमा छ।

विकासप्रेमी नगरप्रमुखको पहिचान बनाएका पोखरेलले निर्वाचित भएलगत्तै आफूले पारिश्रमिक र भत्तावापत पाउने सबै सुविधा सामाजिक सेवामा खर्च गर्ने घोषणा गरेका थिए।

दुई करोडको लागतमा अक्सिजन प्लान्ट स्थापना गर्ने नगरको लक्ष्य छ । यसका लागि नगरको चालु बजेटबाट एक करोडसम्म उपयोग गरिने र स्थानीय सहयोगी मनहरुबाट एक करोडको आश्वासन प्राप्त भएको बताइएको छ।