संसद बैठक फागुन १५ सम्म स्थगित

काठमाडौं । प्रतिनिधिसभा (संसद) बैठक फेरि सूचना टाँसेर फागुन १५ गतेसम्म स्थगित भएको छ । आज शुक्रबार दिउँसो १ बजे बोलाइएको बैठकमा अमेरिकी सहयोग परियोजना एमसीसी सम्झौतामाथि सैद्धान्तिक छलफल गर्ने सम्भावित कार्यसूची थियो ।

नेकपा एमालेसँगको छलफल टुंगो नलागेको र सत्ता गठबन्धनमा सहमति नभएको अवस्थामा सरकारले बैठक आइतबारसम्मका लागि स्थगित गर्न सभामुखलाई आग्रह गरेको हो । सरकारको तर्फबाट कानूनमन्त्री दिलेन्द्रप्रसाद बडूले सभामुख अग्नि सापकोटासँग छलफल गर्नु भएको थियो ।
बिहीबारको बैठक पनि सूचना टाँसेर स्थगित गरिएको थियो ।